Një tjetër lidhje mes një shqiptari dhe një të huaje, është ajo mes futbollistit të njohur nga Maqedonia, por me nënshtetësi zvicerane, Blerim Xhemaili dhe Miss Italia, Alessia Tedeschi. Kjo lidhje për 26-vjeçarin ka filluar pas ndarjes nga Miss Zvicra dhe transferimit të tij në skuadrën e Napolit. Mesfushori shqiptar në Napoli ka rrëmbyer zemrën e italianes Alessia Tedeschi (21 vjeç) dhe së bashku kanë kaluar pushimet në Capri. Shtatlarta e pasarelave italiane me sytë e gjelbërt ndjek studimet për Shkenca Politike në Universitetin e Romës, ndërsa punon si modele. Ajo ka fituar titullin e ”Miss Tv Sorrisi & Canzoni” në ”Miss Italia”. Xhemaili nga skuadra e Zyrihut është transferuar në Torino, më pas në Parma, ndërsa nga viti i kaluar për një shumë prej 9 milionë eurosh luan si mesfushor në skuadrën e Napolit.
0 comments